Bantay Arayat

Bantay Arayat
Ti Bantay Arayat a kas makitkita manipud iti amianan a laud.
Kangatuan a punto
Kangato	1,026 m (3,366 ft) [1]
Nagsasabtan	15°12′00″N 120°44′31″E / 15.20°N 120.742°E / 15.20; 120.742Nagsasabtan: 15°12′00″N 120°44′31″E / 15.20°N 120.742°E / 15.20; 120.742
Heograpia
Bantay Arayat Arayat, Pampanga, Luzon, Filipinas; Magalang, Pampanga
Heolohia
Kita ti bantay	Estratobulkan
Naudi a bimtak	Di ammo

Ti Bantay Arayat ket maysa a natayen nga estratobulkan iti Isla ti Luzon, Filipinas, nga agtayag iti 1,026 metro (3,366 ft). Awan ti nairehistro a panagbettak iti bulkan, ken ti kinaudi a nga aktibidadna ket napetsaan iti panawen ti Holoseno.^[1]

Ti bulkan ket mabirukan idi nadalumpinas nga agrikultural a rehion iti 15°12′N 120°45′E / 15.200°N 120.750°E / 15.200; 120.750. Ti akin-abagatan a gudua ti bantay ket naisanglad iti kaunegan ti ili ti Arayat, Pampanga, bayat a ti amianan a gudua ken ti pantok ti bantay ket naisanglad iti kaunegan ti Magalang. Sangapulo ket siam a milia iti laud ti Bantay Arayat ket ti Siudad ti Angeles ken ti dati a Clark Air Base. Ti Bantay Pinatubo ket mabirukan iti ad-adayo a 26 km (16 mi) iti laud. Ti bulkan ket nadayeg a papanan dagiti turista para iti tattao nga agbisbisita dagiti tengnga tanap. Iti agarup a 10 km (6 mi) iti amianan a laud ket ti "timpuyog ti pagpatayaban ti Siudad ti Angeles" a mangited ti pagadalan dagiti piloto ken agpatayab a panagbuya iti Bantay Arayat kadagiti nalag-an unay nga eroplano. Ti teritorio ket tinawtawagan iti "Woodland Air Park" ken daytoy ket tagikua ti siudad ti Magalang.

Ti bantay ket naikedkeddeng a mistiko, ti naisalaysayan a pagtaengan ni Aung/Aring Sinukuan/Sinkuan/Suku wenno ti Duende a naam-ammuan a kas diwata Mariang Sinukuan depende ti kaykayat a bersion ti sarita dagiti agbasbasa wenno agdengdengngeg, ngem iti duog a sarsarita ti Kapampangan ken ti pay panagsukisok nga innala babaen dagiti Kapampangan nga estudiante ni Henry Otley Beyer, daytoy idi ket ken pagtaengan ni Apung/Aring Sinukuan, kasuppiat ni Namalyari iti Bantay Pinatubo, nga isu kadagiti agdumaduma a bersion, ti anak a lalaki ni Cargon-Cargon nga isu ket nakaro idi a nasugatan iti pannakilabanna iti higante manipud iti Banbantay ti Zambales a naibagbaga a balay ni Apu Namalyari.